На 28 декември 2001 година починал македонскиот режисер и продуцент Атанас Петровски

Петровски бил роден во Тетово на 12 мај 1923 година. Од 1945 година вршел одговорни функции во конституирањето на македонската кинематографија. Тој е еден од организаторите на првата македонска независна филмска продукција ФРЗ во 1968 година. Во 1976 е именуван за прв директор на Кинотеката на Македонија, каде што останува до пензионирањето во 1985.
Режирал околу 20 документарни филмови, меѓу кои и:„Велигденски адети“ (1953),
„Галичка свадба“ (1955), „Стара чаршија“ (1955), „Дервиши“ (1955) и „Тенда“ (1955).